“இன்று நேற்று நாளை” சிவகார்த்திகேயன் நடிப்பில் இயக்குனர் ரவிகுமார் இயக்கி வரும் “அயலான்” திரைப்படத்தின் படப்பிடிப்பு தொடங்கப்பட்டு 3 ஆண்டுகளுக்கும் மேலாக நடந்து வருகிறது. இப்படத்தில் சிவகார்த்திகேயன் மூன்று வேடத்தில் நடித்து வருவதாகவும் அதில் ஒரு வேடம் வேற்றுகிரக மனிதர் என்றும் கூறப்படுகிறது. இப்படம் தொடங்கப்பட்டு கிட்டத்தட்ட 5 வருடங்களுக்கு மேலாகிவிட்டது.
“அயலான்” திரைப்படத்துக்குப் பிறகு சிவகார்த்திகேயன் நடித்த 5க்கும் மேற்பட்ட படங்கள் ரிலீஸாகி விட்டன. ஆனால் “அயலான்” நிலை என்னவென்றே தெரியவில்லை. முதலில் இந்த படத்தை சிவகார்த்திகேயனின் நண்பரான ஆர்.டி.ராஜா தயாரித்தார். பின்னர் அவரிடமிருந்து கே ஜே ஆர் நிறுவனம் தயாரித்தது. கடந்தாண்டு ஷூட்டிங் முடிந்த நிலையில் கிராபிக்ஸ் பணிகள் நடந்து வருவதாக சொல்லப்பட்டது. ஆனால் பைனான்ஸ் பிரச்சனை காரணமாக இப்போது அந்த பணிகளும் நிறுத்தப்பட்டுள்ளதாக தெரிகிறது. இதனால் “அயலான்” படத்தின் ரிலீஸ் எப்போது என்பது இப்போது வரை உறுதியாகவில்லை. மீண்டும் கிராபிக்ஸ் பணிகள் தொடங்க உள்ளதாகவும், இதற்காக “அவதார் 2” படத்தில் பணியாற்றிய கிராபிக்ஸ் கலைஞர்கள் பணியாற்ற உள்ளதாகவும் சொல்லப்படுகிறது.
