இயக்குனர் மிஷ்கின் இயக்கத்தில் உருவாகியுள்ள “பிசாசு 2” திரைப்படத்தில் நடிகையும், பாடகியுமான ஆண்ட்ரியாவின் புதிய கெட்டப்பின் புகைப்படங்கள் இணையதளத்தில் வைரலாகி உள்ளது.
தற்போது, மிஷ்கின் இயக்கத்தில் ஆண்ட்ரியா நடிப்பில் உருவாகியுள்ள திரைப்படம் ‘பிசாசு 2. படத்தின் படப்பிடிப்பு முடிவடைந்து நிலையில் விரைவில் ரிலீசாகவுள்ளது. இப்படத்தின் முதல் பாடல் ஏற்கனவே ரிலீசாகி நல்ல வரவேற்பை பெற்றது. தற்போது இரண்டாவது பாடல் ரிலீஸ் தேதி குறித்த அறிவிப்பு வெளியானது. “பிசாசு 2” படத்தில் இடம்பெற்ற இரண்டாவது பாடலான நெஞ்சை கேளு என்ற பாடல் ஆகஸ்ட் 25ம் தேதி மாலை 5 மணிக்கு வெளியாகிறது என்று அதிகாரப்பூர்வமாக அறிவிக்கப்பட்டது. நடிகை ஆண்ட்ரியா தனது டுவிட்டர் பக்கத்தில், “பிசாசு -2” படத்தில், கிடார் இசைப்பது போன்ற போஸ்டரை வெளியிட்டுள்ளார். இப்பாடல்தான் நாளை ரிலீஸாகிறது. இந்த போஸ்டர் தற்போது இணையதளத்தில் வைரலாகி வருகிறது. இப்படத்திற்கு இளையராஜாவின் மகன் கார்த்திக்ராஜா இசையமைத்துள்ளார், இப்பாடலை கபிலன் எழுத, பிரியங்கா பாடியுள்ளார்.
