இசைஞானி இளையராஜா “கோல்டன் குளோப் விருது’’ வென்ற ஆர்.ஆர்.ஆர் படக்குழுவுக்கு வாழ்த்துக் கூறியுள்ளார்.
முன்னணி இயக்குனர் ராஜமௌலி. இவர் இயக்கத்தில் ராம்சரண், ஜூனியர் என்.டி.ஆர், ஆல்யா பட், அஜய் தேவ்கன் உள்ளிட்டோர் நடித்து கடந்த ஆண்டு வெளியான திரைப்படம் “ஆர்.ஆர்.ஆர்.” விமர்சன ரீதியாகவும், வசூல் ரீதியாகவும் உலகம் முழுதும் பெரும் ஹிட்டானது. இந்த படத்தை ஆஸ்கர் விருது விழாவின் அனைத்து பிரிவுகளிலும் இப்படம் கலந்து கொண்டது. இப்படம் ஆஸ்கருக்கு தேர்வாகாத நிலையில், ஒரிஜினியல் பாடல் பிரிவில் இப்படத்தில் கீரவாணி இசையில் இடம்பெற்ற “நாட்டுக்குத்து” பாடல் தகுதிபெற்றுள்ளது. “கோல்டன் குளோப் விருது”கள் வழங்கும் விழா தற்போது நடந்து கொண்டிருக்கிறது. “ஆர்.ஆர்.ஆர்.” திரைப்படத்தின் இடம்பெற்ற “நாட்டுக்குத்து” பாடல் சிறந்த ஒரிஜினல் பாடல் பிரிவில் விருது வென்றுள்ளது. இந்த விருதை இசையமைப்பாளர் கீரவாணி மேடையில் ஏறி பெற்றுக்கொண்டார். ஒட்டுமொத்த படக்குழுவினரும் இந்த விழாவிற்கு நேரில் சென்று மகிழ்ச்சியை வெளிப்படுத்தினர். இசை ஞானி இளையராஜா, “கடுமையான உழைப்பு வெற்றிக்குத் தகுதி” என டுவிட்டரில் பதிவிட்டு, “ஆர்.ஆர்.ஆர்” படக்குழுவிற்கும் இசையமைப்பாளர் கீரவாணிக்கும் வாழ்த்துகளை கூறியுள்ளார்.
