லைகா நிறுவனத்தின் தயாரிப்பில் கமல்ஹாசன் மற்றும் பல முன்னணி நடிகர்கள் நடிப்பில் ஷங்கர் இயக்கத்தில் அனிருத் இசையில் உருவாகி இருக்கும் திரைப்படம் “இந்தியன் 2”. இந்த படம் உலகெங்கும் 5000க்கும் மேற்பட்ட திரைகளில் இன்று ரிலீசாகியுள்ளது.
படக்குழுவினர் இந்த படத்தை பிரம்மாண்டமாக உருவாக்கியது மட்டுமில்லாமல், அதிகமாக செலவு செய்து பல நாடுகளுக்கும் சென்று புரமோஷன் பணிகளை மேற்கொண்டனர். ஆனாலும் படத்துக்கு முன்பதிவு சராசரி அளவிலேயே நடந்தது. படம் ரிலீசாகி பாசிட்டிவ் விமர்சனங்கள் வந்தால் அதன் பின் ரசிகர்களின் ஆதரவு கிடைக்கும் என சொல்லப்படுகிறது. இப்போது படம் ரிலீசாகியுள்ள நிலையில் படத்துக்குக் கலவையான விமர்சனங்களைப் பெற்று வருகின்றது. “இந்தியன் 2” இதுவரை எந்தவொரு தமிழ் படமும் படைக்காத சாதனையாக 5000 திரைகளில் உலகமெங்கும் ரிலிசாகிறதாம். இதற்கு முன் விஜய்யின் “லியோ” திரைப்படம் 4000 திரைகளில் ரிலீசானதே அதிக எண்ணிக்கை என சொல்லப்படுகிறது.
