முதல்முதலாக மலையாள சூப்பர் ஸ்டார் மோகன்லால் இயக்குனராக அவதாரம் எடுத்திருக்கிறார். அதன்படி அவரது இயக்கத்தில் முதல் படமாக ‘பரோஸ்’ திரைப்படம் உருவாகி வருகிறது. இந்த படத்தில் ஹாலிவுட் நடிகர், நடிகைகள் நடித்துள்ளனர். இந்த படம் பற்றிய அறிவிப்பு 2019ம் ஆண்டே அறிவிக்கப்பட்டு கொரோனா காரணமாக தள்ளிப்போய் அவ்வப்போது படப்பிடிப்பு நடந்து வந்தது.
படத்தில் மோகன்லால் டைட்டில் கேரக்டரில் நடித்துள்ளார். அவருடன் Paz Vega என்ற ஹாலிவுட் நடிகை நடித்துள்ளார். இந்த படத்தை 3 டி தொழில்நுட்பத்தில் சந்தோஷ் சிவன் படமாக்கியுள்ளார். லிடியன் நாதஸ்வரம் இத்திரைப்படம் மூலமாக இசையமைப்பாளராக அறிமுகமாகிறார். இந்த படத்தின் பின்னணி இசைக்கோர்ப்புப் பணிகள் அமெரிக்காவில் நடந்தது. இந்த படத்தை வரும் செப்டம்பர் 12ம் தேதி ஓனம் பண்டிகையை முன்னிட்டு திரையரங்குகளில் வெளியிட திட்டமிட்டுள்ளதாக அறிவிக்கப்பட்டுள்ளது. இது ஒரு பேண்டஸி திரைப்படமாக உருவாகி வருகிறது என்பதால் மிகப்பெரிய எதிர்பார்ப்பு நிலவுகிறது.
