உதயநிதிக்கு நடிகர் சந்தானம் வாழ்த்து!

நடிகர் சந்தானம் “தமிழ்நாட்டின் கனவு கனவாக வாழ்த்துகள்” என்று அமைச்சர் உதயநிதி ஸ்டாலினுக்கு வாழ்த்துகள் தெரிவித்துள்ளார்.

சென்னை திருவல்லிக்கேணி சேப்பாக்கம் தொகுதியின் எம்எல்ஏவான உதயநிதி ஸ்டாலின் இன்று அமைச்சராக பதவியேற்றார். அவருக்கு இளைஞர் நலன் மற்றும் விளையாட்டுத் துறை அமைச்சர் பதவி கொடுக்கப்பட்டுள்ளது. இந்நிலையில் அமைச்சரான உதயநிதி, இதுவரை விளையாட்டு வீரர்களுக்கு ரூ.3000 ஓய்வூதியம் வழங்கப்பட்டு வந்தது. தற்போது அது இரண்டுமடங்கு அதாவது 6 ஆயிரம் ரூபாயாக உயர்த்தப்படுவதற்கான கோப்பில் கையெழுத்திட்டுள்ளார். நடிகர் சந்தானம் தனது டுவிட்டரில், “தமிழ் நாட்டு இளைஞர்கள் இன்னும் நிறைய கோப்பைகளும், பந்தயங்களிலும், போட்டிகளிலும் உலக மேடையில் ஜெயிக்க வேண்டும், இந்த கனவு இனித் தமிழ்நாட்டில் நனவாக வாழ்த்துகள்’’ என்று அமைச்சராக பதவியேற்ற உதயநிதிக்கு வாழ்த்துகள் தெரிவித்துள்ளார்.