எலான் மஸ்க் நாசா புகைப்படத்தை பங்கமாய் கலாய்த்து அவரது டுவிட்டர் பக்கத்தில் பதிவிட்டுள்ளார்.
நாசா சமீபத்தில் ஜேம்ஸ் வெப் என்ற தொலைநோக்கியை விண்ணுக்கு அனுப்பியது. பூமியிலிருந்து பல லட்சம் கிலோ மீட்டர்கள் அப்பால் விண்வெளியில் நிலைக் கொண்டுள்ள இந்த தொலைநோக்கி பிரபஞ்சத்தின் பல்வேறு பகுதிகளை படமெடுத்து அனுப்பி வருகிறது. நாசாவின் இப்புகைப்படம் குறித்து கிண்டல் செய்யும் விதமாக பிரபல தொழிலதிபர் எலான் மஸ்க் டுவிட்டரில் பதிவிட்டுள்ளார்.
அதில் சமையலறை ஒன்றில் போடப்பட்டுள்ள மார்பில் கல்லை ஜூம் செய்து பார்த்தால் நாசா வெளியிட்ட கேலக்ஸி புகைப்படம் போல உள்ளதாக சுட்டிக்காட்டி “சிறப்பான முயற்சி நாசா” என எழுதப்பட்டுள்ளது. எலான் மஸ்க்கின் இந்த டுவிட் தற்போது டுவிட்டரில் டிரெண்டாகி வருகிறது. ஆனால், பலர் எலான் மஸ்க்கையுமே கிண்டல் செய்து பதிவிடுகின்றனர்.
