தோனி என்டர்டெயின்மென்ட் என்ற தயாரிப்பு நிறுவனத்தை தல தோனி தொடங்கினார். இந்நிறுவனத்தின் சார்பில் தயாரிக்கப்படும் முதல் படம் ‘எல்ஜிஎம்’ தமிழ் படம்.
சமீபத்தில் இத்திரைப்படத்தின் படப்பிடிப்பு முடிவடைந்து இசை வெளியீட்டு விழா நடந்த போது தோனி மற்றும் அவரது மனைவி சாக்சி சென்னைக்கு வருகை தந்திருந்தனர். ‘எல்ஜிஎம்’ திரைப்படம் வரும் ஜூலை 28ம் தேதி வெளியாகுமென அதிகாரப்பூர்வமாக அறிவிக்கப்பட்டு ரிலீஸ் செய்தியுடன் கூடிய போஸ்டர் வெளியாகி உள்ளது. படத்தில் ஹரிஷ் கல்யாண் மற்றும் இவானா ஆகியோர் நாயகன் நாயகியாக நடித்துள்ளனர். முக்கிய கேரக்டர்களில் நதியா, யோகி பாபு உட்பட பலர் நடித்துள்ளனர். தமிழ்மணி இயக்கி இசையமைத்துள்ள இப்படம் ரசிகர்கள் மத்தியில் நல்ல வரவேற்பு பெரும் என்று எதிர்பார்க்கப்படுகிறது.
