“கங்குவா” திரைப்படம் சூர்யா நடிப்பில் “சிறுத்தை” சிவா இயக்கத்தில் உருவாகி வருகிறது. சூர்யாவின் 42வது படமான “கங்குவா” இப்படத்தை ஸ்டூடியோ கிரீன் நிறுவனம் தயாரித்து வருகிறது.
ஷூட்டிங்கின்போது, நடிகர் சூர்யாவுக்கு காயம் ஏற்பட்டது. சிகிச்சை பெற்று வந்த அவர், ஓய்வெடுக்க வெளி நாடு சென்றிருந்தவர், புத்தாண்டு முடிந்து சென்னை திரும்பினார். சமீபத்தில் கலைஞர் 100 நிகழ்ச்சியில் பங்கேற்று கலைஞர் பற்றி பேசினார். “கங்குவா” படத்தின் அடுத்த அப்டேட் எப்போது வெளியாகும் என ரசிகர்கள் கேள்வி எழுப்பிய நிலையில், படத்தின் அப்டேட்டை நடிகர் சூர்யா வெளியிட்டுள்ளார். அதில், “கங்குவா” படத்தில் தன் காட்சிகளை நிறைவு செய்துள்ளேன். “கங்குவா” பட இயக்குனர் சிறுத்தை சிவாவுக்கு நன்றி! -இப்படத்தை திரையில் காண காத்திருக்கிறேன்’’ தெரிவித்துள்ளார். இதனால் ரசிகர்கள் மகிழ்ச்சியடைந்துள்ளனர். இப்படம் வரும் ஏப்ரல் 11ம் தேதி ரிலீசாக வாய்ப்புள்ளதாக கூறப்படுகிறது. “ஹாலிவுட் ஸ்டைலில் இப்படம் உருவாகி வருவதாக’’ தயாரிப்பாளர் சமீபத்தில் கூறியுள்ளார். இப்படம் 10 மொழிகளில் வெளியாகவுள்ளது.
