இன்று கர்நாடக மாநிலத்தில் சட்டமன்ற தேர்தலில் வாக்குப்பதிவு முடிவடைந்துள்ளது. தேர்தலுக்குப் பிந்தைய கருத்துக் கணிப்பு தற்போது வெளியாகி உள்ளது.
காங்கிரஸ் வெற்றி பெற்று ஆட்சியமைக்கும் என்று தேர்தலுக்கு முந்தைய காலக்கட்டத்தில் கருத்து நிலவி வந்தது. தேர்தலுக்குப் பின் நடத்திய கருத்துக்கணிப்பில் பாஜக தான் அதிக இடத்தில் வெல்லும் என்று கூறப்பட்டுள்ளது. பாஜக 94 முதல் 117 இடங்கள் வரை வெல்லும் என்றும் காங்கிரஸ் 91 முதல் 106 இடங்களை கைப்பற்றும் என்றும் கூறப்பட்டுள்ளது. மேலும் மதச்சார்பற்ற ஜனதா தளம் 14 முதல் 24 தொகுதிகளில் வெல்லும் என்றும் மற்ற கட்சிகள் மற்றும் சுயேட்சைகள் இரண்டு இடங்களில் வெல்லும் என்றும் கூறப்பட்டுள்ளது. கருத்துக்கணிப்பை பார்க்கும் போது காங்கிரஸ் மற்றும் பாஜக கிட்டத்தட்ட சம இடங்களில் தான் வெல்லும் என்றும் பத்து தொகுதிகள்தான் இரு கட்சிகளுக்கு இடையே வேறுபாடு இருக்கும் என்பதும் தெரிய வருகிறது.
