நடிகையும் பாஜக எதிர்பாளருமான காயத்ரி ரகுராம் தமிழகம் தத்தளிக்கும் நேரத்தில் காசியில் தமிழ்ச்சங்கம் தேவையா? என கேள்வி எழுப்பியுள்ளார்.
இதுகுறித்து அவர், “காசி தமிழ்ச் சங்கத் திட்டத்திற்கும், பொதுக்கூட்டத்துக்கும் எத்தனை கோடிகள் செலவழிக்கப்பட்டுள்ளது, இப்போது தமிழ்நாடு தென்பகுதி கடும் வெள்ளத்தால் பாதிக்கப்பட்டுள்ளது. முதல்வர் நிவாரண நிதிக்கு 5060 கோடி கேட்டும், மத்திய அரசு ஆதரிக்கவில்லை. இப்போது தூத்துக்குடி, திருச்செந்தூர், திருநெல்வேலியில் இவ்வளவு சேதம், மத்திய அரசு ஆதரிக்குமா? உ.பி.க்கான 19000 கோடி திட்டத்தை பிரதமர் மோடி ஊக்குவித்து வருகிறார். தமிழகத்தில் காசி தமிழ் சங்கம் நடக்க வேண்டும், ராமேஸ்வரம் மற்றும் காசி விஸ்வநாதர் தென்காசி கோவிலுக்கு 19000 கோடி திட்டம் வரட்டும். உ.பி.யை மட்டும் ஏன் ஊக்குவிக்க வேண்டும்? ஏன் தமிழக கோவில்களை மேம்படுத்தி, நமது தமிழ்நாடு ஆன்மீக பூமியை அழகுபடுத்த கூடாது? இந்த பாஜக மிகவும் உணர்ச்சியற்றது & சுயநல நோக்கம்” என்று கூறியுள்ளார்.
