நடிகர் தனுஷ், அருண் மாதேஸ்வரன் இயக்கத்தில் “கேப்டன் மில்லர்” திரைப்படத்தில் நடித்து கொண்டிருக்கிறார். படத்தை சத்யஜோதி பிலிம்ஸ் தயாரித்து வருகிறது. ஜி.வி.பிரகாஷ் இசையில் உருவாகும் இப்படத்தில் பிரியங்கா மோகன், சிவராஜ் குமார், சந்தீப் கிஷன் உள்ளிட்ட பலரும் நடித்துள்ளனர்.
படத்தின் ஷூட்டிங்கை முடித்த தனுஷ் அடுத்து தன்னுடைய 50வது படத்தில் தற்போது கவனம் செலுத்தி வருகிறார். இப்போது படத்தின் பின் தயாரிப்புப் பணிகள் நடந்து வருகின்றன. படம் அடுத்த ஆண்டு பொங்கல் பண்டிகைக்கு ரிலீசாகவுள்ளதாக அறிவிக்கப்பட்டுள்ளது. பொங்கல் பண்டிகைக்கு “கேப்டன் மில்லர்” படத்தோடு சிவகார்த்திகேயன், ரகுல் ப்ரீத் சிங் மற்றும் யோகி பாபு ஆகியோர் நடிப்பில் ரவிகுமார் இயக்கத்தில் உருவாகியுள்ள “அயலான்” திரைப்படமும் ரிலீசாகவுள்ளது. ஆனால் “அயலான்” திரைப்படம் ஜனவரி 12ம் தேதி ரிலீசாக தனுஷின் “கேப்டன் மில்லர்” ஒரு நாள் முன்பாக ஜனவரி 11ம் தேதியே ரிலீசாகும் என்று கூறப்படுகிறது.
