கதாநாயகனாக நடிகர் சந்தானம் முன்னேறி ஓரளவுக்கு சர்வைவல் ஆகிக் கொண்டிருக்கிறார். சமீபத்தில் அவர் நடித்த “டிடி ரிட்டர்ன்ஸ்” மற்றும் “வடக்குப்பட்டி ராமசாமி” ஆகிய திரைப்படங்கள் நல்ல வரவேற்பைப் பெற்றன. இதையடுத்து சந்தானம் அடுத்தடுத்து பல படங்களில் நடித்து வருகிறார்.
அப்படி சந்தானம் நடிப்பில் அடுத்து உருவாகும் “இங்க நாங்கதன் கிங்கு” என்ற படத்தை தயாரிப்பாளர் அன்புச்செழியன் தயாரித்து வருகிறார். இப்படத்தை இந்தியா பாகிஸ்தான் பட இயக்குனர் ஆனந்த் இயக்கயுள்ளார். டி இமான் இசையமைத்துள்ள இப்படத்தின் இசை உரிமையை சரிகம பிலிம்ஸ் நிறுவனம் கைப்பற்றியுள்ளது. இப்படம் ஏப்ரலில் ரிலீசாகும் என எதிர்பார்க்கப்படுகிறது. இப்போது மே மாதத்துக்கு தள்ளிவைக்கப்பட்டுள்ளது. மே 10ம் தேதி இந்த படம் ரிலீசாகும் என அறிவிக்கப்பட்டுள்ளது. இப்படத்தின் டிரெயிலர் இப்போது வெளியாகி கவனம் பெற்றுள்ளது. சந்தானம் திருமனத்தில் தொடங்கும் டிரெயிலர், அவரை பயங்கரவாதியாக காட்டி அதிலிருந்து அவர் எப்படி மீள்கிறார் என்பதை சொல்லும் விதமாக செல்கிறது. சந்தானம் அடிக்கும் கவுண்டர்கள் எல்லாமே மிகவும் கேட்டவையாகவே உள்ளது.
