நடிகை ராஷ்மிகா தனது சினிமா வாழ்க்கையை தொடங்கியது கன்னட சினிமாவில்தான். அடுத்தடுத்து பலமொழிப் படங்களிலும் நடித்து ஹிட் கொடுத்து முன்னணி நடிகையாக மாறியுள்ள அவரை ரசிகர்கள் செல்லமாக நேஷனல் க்ரஷ் என அழைத்து வருகின்றனர்.
அவர் தற்போது பாலிவுட்டில் “அனிமல்,” தெலுங்கில் “புஷ்பா 2,” தமிழில் “ரெயின்போ” உள்ளிட்ட படங்களில் நடித்து வருகிறார். இதையடுத்து அவர் தெலுங்கில் நடித்து வரும் “கேர்ள் பிரண்ட்” திரைப்படத்தை ராகுல் ரவீந்திரன் இயக்குகிறார். இப்படத்தில் முதலில் சமந்தா நடிக்கவிருந்த நிலையில் அவர் உடல்நலப் பிரச்சனைகள் காரணமாக விலகிவிடவே ராஷ்மிகா நடிக்க ஒப்பந்தமாகியுள்ளார். சமூகவலைதளமான இன்ஸ்டாகிராமில் ஆக்டிவ்வாக இருந்து வரும் நிலையில் அவரை பின் தொடர்பவர்களின் எண்ணிக்கை 40 மில்லியனைக் கடந்துள்ளது. இது தென்னிந்திய நடிகைகள் யாரும் படைக்காத சாதனையாகும்.
