சூப்பர் ஸ்டார் ரஜினிகாந்த் நடித்துள்ள “ஜெயிலர்” திரைப்படம் ஏப்ரல் மாதத்தில் ரிலீசாகும் என எதிர்பார்க்கப்பட்டது. ஆனால் தற்போது தள்ளிவைக்கப்பட்டுள்ளதாக சொல்லப்படுகிறது.
ரஜினிகாந்த் நடிப்பில், இயக்குனர் நெல்சன் இயக்கத்தில் “ஜெயிலர்” திரைப்படத்தில் ரஜினியோடு தமன்னா, ரம்யா கிருஷ்ணன், யோகி பாபு, வசந்த் ரவி ஆகியோர் நடிக்கின்றனர். இவர்களை கன்னட சூப்பர் ஸ்டார் சிவராஜ் சிவகுமார், மலையாளத்தில் இருந்து மோகன்லால், தெலுங்கில் இருந்து சுனில் என ஒவ்வொரு மொழியில் இருந்தும் ஏராளமான நடிகர்கள் நடிக்கிறார்கள். இப்படம் ஏப்ரல் மாதம் ரிலீசாகும் என எதிர்பார்க்கப்பட்டது. ஆனால் ஏப்ரலில் “பொன்னியின் செல்வன்” ரிலீஸ் ஆவதால் இப்படம் இப்போது ஆகஸ்ட் 15 விடுமுறைக்கு தள்ளிவைக்கப்படலாம் என கூறப்படுகிறது.
