“கங்குவா” திரைப்படம் சூர்யா நடிப்பில் மிக பிரம்மாண்டமாக உருவாகி வருகிறது. சூர்யாவின் 42வது படமான “கங்குவா” திரைப்படத்தை “சிறுத்தை” சிவா இயக்கி வருகிறார். இக்கதை நிகழ்காலம் மற்றும் சில நூற்றாண்டுகளுக்கு முந்தைய காலம் என இரு காலகட்டங்களில் நடக்கும் விதமாக உருவாக்கப்பட்டுள்ளது. படத்தின் ஷூட்டிங் தற்போது நடந்து வருகிறது. அடுத்தாண்டு கோடை விடுமுறையை முன்னிட்டு ரிலீசாகும் என்று கூறப்படுகிறது.
இப்போது இறுதிகட்ட காட்சிகளை இயக்குனர் சிவா படமாக்கி வருகிறார். இதையடுத்து படத்தின் இறுதிகட்ட ஷூட்டிங் மற்றும் போஸ்ட் புரொடக்ஷன் பணிகள் நடந்து வருகிறது. படத்தின் ரிலீஸ் தேதி இறுதியாகியுள்ளதாக படக்குழு வட்டாரங்கள் கூறுகின்றன. படம் அடுத்தாண்டு ஏப்ரல் 11ம் தேதி வியாழக்கிழமை ரிலீஸ் செய்ய திட்டமிட்டுள்ளதாக சொல்லப்படுகிறது. இத்திரைப்படத்தின் வில்லனாக பாலிவுட் நடிகர் பாபி தியோல் நடித்து வருகிறார். சமிபத்தில் அவர் நடித்த “அனிமல்” திரைப்படம் மிகப்பெரிய வெற்றியைப் பெற்றது. “கங்குவா” படத்தில் நடிப்பது குறித்து பேசும் போது, “சூர்யா ஒரு அர்ப்பணிப்புள்ள நடிகர். அவருடன் இணைந்து நடித்தது சிறப்பான அனுபவம். இத்திரைப்படத்தில் என்னுடைய கதாபாத்திரம் வழக்கமாக நான் நடிக்கும் கதாபாத்திரங்களில் இருந்து வேறுபட்டது. என்னால் இரண்டு மாதத்தில் தமிழைக் கற்றுக் கொள்ளமுடியவில்லை” எனக் கூறியுள்ளார்.
