இசையமைப்பாளரும், நடிகருமான ஜி.வி.பிரகாஷ் விரைவில் 100வது படத்தை பற்றிய அறிவிப்பு வெளியாகும் என எதிர்பார்க்கப்படுகிறது. நடிகராக 25 படங்கள் என்ற மைல்கல்லை “கிங்ஸ்டன்” படம் மூலமாக எட்டியுள்ளார்.
இப்போது அவர் பாலிவுட் இயக்குனர் அனுராக் காஷ்யப் இயக்கும் புதிய வெப் சீரிஸ் ஒன்றில் நடிக்க உள்ளார். இந்த வெப் சீரிஸை நெட்பிளிக்ஸ் நிறுவனம் தயாரிக்கிறது. விரைவில் இதன் ஷூட்டிங் தொடங்க உள்ளதாக தகவல்கள் வெளியாகியுள்ளன. சமீபத்தில் தான் நடிக்க இருந்த ஒரு படம் குறித்து பேசியுள்ளார். சில ஆண்டுகளுக்கு முன் அவர் வெற்றிமாறன் இயக்கத்தில் ஒரு படம் நடிக்க இருந்தாராம். அந்த படத்துக்கு இயக்குனர் அட்லி வசனம் எழுதியிருந்தார் எனக் கூறியுள்ளார். ஆனால் அந்த படம் அடுத்த கட்டத்துக்கு செல்லவில்லை எனப் பகிர்ந்துள்ளார்.
