நடிகர் கமல்ஹாசன் இன்று தனது 68வது பிறந்தநாளை கொண்டாடி வருகிறார். இதையொட்டி, அரசியல் தலைவர்கள், சினிமா நட்சத்திரங்கள் உட்பட பலரும் அவருக்கு வாழ்த்துகள் கூறி வருகின்றனர்.
நடிகரும், எம்.எல்.ஏவுமான உதயநிதி ஸ்டாலின் தனது டுவிட்டர் பக்கத்தில், “தன் அசாத்திய கலைத்திறனால், கடும் உழைப்பினால், தளராத நம்பிக்கையால் மக்களைக் கவரும் கலைஞானி, @maiamofficial கட்சியின் தலைவர், உலகநாயகன் @ikamalhaasan சார் அவர்களுக்கு இனிய பிறந்தநாள் வாழ்த்துகள்’’ என்று பதிவிட்டிருந்தார். இதற்கு, கமல்ஹாசன் தனது டுவிட்டர் பக்கத்தில், “இனிய தம்பி உதயநிதியின், வாழ்த்துக்களுக்கு நன்றி’’ என்று பதிவிட்டுள்ளார். விரைவில் நடிகர் கமலின் ராஜகமல் பிலிம்ஸ் நிறுவனம் தயாரிக்கும் ஒரு படத்தில் உதயநிதி ஹீரோவாக நடிக்கவுள்ளார். அதேசமயம், உதயநிதி தயாரிப்பில், கமல்- ஷங்கர் கூட்டணியில் “இந்தியன் -2” உருவாகி வருகிறது.
