கடந்த சில ஆண்டுகளாக நடிகர் நாக சைதன்யா வரிசையாக தோல்வி படங்களாக தந்து கொண்டிருக்கிறார். அவரது நடிப்பில் சமீபத்தில் வெளியான “தேங்க்யூ” மற்றும் “கஸ்டடி” ஆகிய படங்கள் மிகப்பெரிய தோல்வியை சந்தித்தன.
இதையடுத்து அவர் ஒரு ஹிட் கொடுக்க வேண்டிய கட்டாயத்தில் உள்ளார். அவ்வகையில் இப்போது அவர் கீதா ஆர்ட்ஸ் தயாரிக்கும் புதிய படத்தில் நடிக்க ஒப்பந்தமாகியுள்ளார். இந்த படத்தில் கதாநாயகியாக நடிக்க சாய்பல்லவி ஒப்பந்தம் ஆகியுள்ளதை படக்குழு தற்போது உறுதிப்படுத்தியுள்ளது. படத்தை “கார்த்திகேயா 2” படத்தை இயக்கிய சந்து மொண்டேட்டி இயக்குகிறார். படத்தின் முதல் லுக் போஸ்டர் நேற்று வெளியாகி ரசிகர்களின் கவனத்தை ஈர்த்தது. இந்த படத்துக்கு “Thandel” எனப் பெயர் வைக்கப்பட்டுள்ளது. இந்த படம் மீனவ கிராம பின்னணியில் உருவாக உள்ளதாக கூறப்படுகிறது.
