பள்ளிக் கல்வித்துறை அதிகாரிகள் ஆட்டோக்களில் பள்ளி மாணவர்கள் செல்ல தடை விதிக்க ஆலோசனை செய்து வருவதாக கூறப்படுகிறது.
கோடை விடுமுறை முடிந்து ஜூன் மாதம் பள்ளிகள் திறக்கப்படவுள்ளது. பள்ளி வாகனங்களை தற்போது அதிகாரிகள் சோதனை செய்து வருகின்றனர். பள்ளி பேருந்துகளில் இருக்கும் குறைகளை நிவர்த்தி செய்ய அறிவுறுத்தப்பட்டுள்ளதாகவும் செய்திகள் வெளியாகி உள்ளன. ஆட்டோக்கள் மற்றும் ஷேர் ஆட்டோக்களில் அதிக அளவில் பள்ளி மாணவர்களை ஏற்றிக் கொண்டு செல்வதால் விபத்து ஏற்படுகிறது என்றும் இதனால் எதிர்பாராத உயிரிழப்பு ஏற்படுகிறது என்றும் பல புகார்கள் வந்துள்ளன. இன்று இது குறித்து பள்ளி கல்வித்துறை அதிகாரிகள் ஆலோசனை செய்து வருவதாகவும் அனேகமாக ஆட்டோக்கள் மற்றும் ஷேர் ஆட்டோக்களில் பள்ளி மாணவர்களை ஏற்ற தடை என்ற அறிவிப்பு வெளிவர வாய்ப்பு இருப்பதாகவும் கூறப்படுகிறது.
