மாரி செல்வராஜ் இயக்கத்தில், உதயநிதி ஸ்டாலின் நடிப்பில் உருவான “மாமன்னன்” திரைப்படத்தின் இசை வெளியீட்டு விழா இன்று மாலை சென்னை நேரு ஸ்டேடியத்தில் நடைபெற்றது. இவ்விழாவில் பல முக்கிய பிரமுகர் கலந்து கொள்வார்கள் என்று எதிர்பார்க்கப்பட்டது. உலகநாயகன் கமலஹாசன் இவ்விழாவில் கலந்து கொண்டார்.
இது குறித்து உதயநிதி ஸ்டாலின் தனது டுவிட்டர் பக்கத்தில், “கமல்ஹாசன் இவ்விழாவில் கலந்து கொள்வார், இந்த விழா ஆறு மணிக்கு தொடங்கும்” என்று பதிவிட்டுள்ளார். ஏற்கனவே கமல்ஹாசன் மற்றும் உதயநிதி ஸ்டாலின் ஆகிய இருவரும் நெருக்கமாக இருக்கும் நிலையில் உதயநிதியின் படத்தின் இசை விழாவில் கமல்ஹாசன் கலந்து கொள்ளவது குறிப்பிடத்தக்கது. உதயநிதி ஸ்டாலின், கீர்த்தி சுரேஷ், பகத் பாசில், வடிவேலு உள்ளிட்ட பலர் நடிப்பில் உருவாகிய அந்த படத்திற்கு இசை புயல் ஏ.ஆர்.ரஹ்மான் இசையமைத்துள்ளார். ரெட் ஜெயண்ட் மூவீஸ் நிறுவனம் தயாரித்துள்ள இந்த படம் விரைவில் வெளியாகவுள்ளது.
