முதலமைச்சர் மு.க.ஸ்டாலின் பீகார் மாநில முன்னாள் முதலமைச்சர் லாலு பிரசாத் யாதவிடம் ஆசி பெற்றதோடு அவருக்கு கருணாநிதி குறித்த நூல் ஒன்றினையும் பரிசாக அளித்தார்.
தமிழக முதலமைச்சர் மு.க.ஸ்டாலின் எதிர் கட்சிகள் கலந்து கொள்ளும் கூட்டத்தில் கலந்து கொள்வதற்காக நேற்றிரவு தனி விமானத்தில் பீகார் சென்றார். இன்று பீகார் தலைநகர் பாட்னாவில் நடைபெறவிருக்கும் எதிர்க்கட்சிகள் கூட்டத்தில் பல முக்கிய ஆலோசனைகள் நடைபெற உள்ளன. பாட்னாவில் ராஷ்டிரிய ஜனதா தளம் கட்சி தலைவர் லாலு பிரசாத் யாதவ்வுடன் தமிழக முதலமைச்சர் மு.க.ஸ்டாலின் சந்தித்தார். மூத்த தலைவரான லாலு பிரசாத் யாதவிடம் அவர் ஆசி பெற்றதாகவும் பொன்னாடை போர்த்தி மரியாதை செய்ததாகவும் தகவல்கள் வெளியாகியுள்ளன. மேலும் இரு தலைவர்கள் சந்திப்பின் அடையாளமாக முன்னாள் முதலமைச்சர் கருணாநிதி பற்றிய நூல் ஒன்றையும் முதலமைச்சர் ஸ்டாலின் லாலு பிரசாத் யாதவ்வுக்கு பரிசளித்துள்ளார்.
