நாளை “தி கோட்” படத்தின் டிரெயிலர் குறித்து முறையான அறிவிப்பு வெளியாகும் என்று தயாரிப்பாளர் அர்ச்சனா கல்பாத்தி தெரிவித்துள்ளார்.
வெங்கட் பிரபு இயக்கத்தில் நடிகர் விஜய் தற்போது “தி கோட்” திரைப்படத்தில் நடித்து வருகிறார். படத்தின் மீதான ரசிகர்களின் எதிர்பார்ப்பு அதிகமாகி உள்ளது. படத்தில் விஜய்யுடன் பிரஷாந்த், பிரபுதேவா, சினேகா, லைலா, வைபவ், மீனாட்சி சவுத்ரி, அஜ்மல் உள்ளிட்ட பல நட்சத்திர பட்டாளங்கள் நடித்துள்ளனர். படத்திற்கு யுவன் சங்கர் ராஜா இசையமைத்துள்ளார். “தி கோட்” படத்தில் விஜய் இரட்டை வேடங்களில் நடித்துள்ளார் என்பது படத்தின் போஸ்டர் வெளியான போது தெரிந்தது. இதில் விஜய் முன்று பாடல்கள் பாடியுள்ளதாக கூறப்படுகின்றது. ஏற்கனவே இரண்டு பாடல்கள் வெளியானது. இந்த இரண்டு பாடல்களிலும் விஜய் பாடியுள்ளார். படத்தின் மூன்றாவது பாடலும் சில தினங்களுக்கு முன் ரிலீஸ் ஆனது. இந்த பாடல் ரசிகர்கள் மத்தியில் கலவையான விமர்சனங்களைப் பெற்றது. படம் ஐமேக்ஸ் திரையில் ரிலீஸ் செய்யப்படும் என படக்குழு கூறியுள்ளது. மேலும் படத்தின் டிரெயிலர் எப்போது ரிலீசாகும் என கேட்கப்பட்டது. அதற்கு, படம் ரிலீஸ் ஆவதற்கு 10 முதல் 15 நாட்களுக்குள் டிரெயில ரிலீஸ் செய்யப்படும் என படக்குழு தெரிவித்தது. கோட் திரைப்படம் வரும் செப்டம்பர் மாதம் 5ம் தேதி ரிலீஸ் ஆகவுள்ளது. படத்தின் ரிலீஸ் தேதிகள் குறித்து அப்டேட்கள் தொடர்ந்து வந்து கொண்டுள்ளது. படத்தின் டிரெயிலர் எப்போது ரிலீஸ் என்ற அப்டேட் மட்டும் இதுவரை வெளியாகமல் இருப்பதால் ரசிகர்கள் டிரெயிலர் ரிலீஸ் அப்டேட்டுக்காக காத்திருக்கின்றனர். தயாரிப்பாளர் அர்ச்சனா கல்பாத்தி வலைதள பக்கத்தில், “உங்களுக்காக ஒரு அற்புதமான டிரெயிலரை நாங்கள் தயார் செய்கிறோம். எனவே தயவு செய்து அமைதியாக இருங்கள் மற்றும் எங்களுக்கு இரண்டு நாட்கள் அவகாசம் கொடுங்கள். நாளை உங்களுக்கு சரியான புதுப்பிப்பைத் தருவேன்” என்று அவர் தெரிவித்துள்ளார்.
