அஸர்பைஜானில் அஜீத் நடித்து வரும் “விடாமுயற்சி” படத்தின் ஷுட்டிங் தற்போது நடந்து வருகிறது. அஜீத், திரிஷா உள்ளிட்டவர்கள் ஷூட்டிங்கில் கலந்து கொண்டுள்ளனர். இத்திரைப்படத்தை லைகா நிறுவனம் தயாரிக்க, மகிழ்திருமேனி இயக்குகிறார். அனிருத் இசையமைக்கிறார். இப்படத்தின் ஷூட்டிங் தற்போது படப்பிடிப்பு நிறுத்தி வைக்கப்பட்டுள்ளது.
அஜீத் ஒரு சிறிய அறுவை சிகிச்சை செய்துகொண்டு தற்போது ஓய்வில் இருக்கிறார். அறுவை சிகிச்சை செய்துகொண்டதால் அவரால் இன்னும் சில மாதங்களுக்கு ஷூட்டிங் செல்ல முடியாது என ஒரு வதந்தி பரவி வந்தது. இது பற்றி அஜீத் தரப்பு தற்போது விளக்கமளித்துள்ளது. அதில் “லைகா நிறுவனம் எப்போது அழைத்தாலும் ஷூட்டிங் செல்ல அஜித் தயாராக இருக்கிறார்” எனக் கூறியுள்ளது. தற்போது விடாமுயற்சி படம் பற்றி பேசியுள்ள அஜித்தின் மேலாளர் சுரேஷ் சந்திரா “படத்தை அக்டோபரில் ரிலீஸ் செய்ய திட்டமிட்டு வருகிறோம். இதுவரை 60 சதவீத ஷூட்டிங் முடிந்துள்ளது. ஏப்ரல் 20ம் தேதி அடுத்த கட்ட ஷூட்டிங் தொடங்குகிறது.” எனக் கூறியுள்ளார். அக்டோபரில் ஆயுத பூஜை விடுமுறையை முன்னிட்டு இப்படம் வெளியாகலாம் என்று கூறப்படுகிறது.
