அஜீத் நடிப்பில் உருவான “வீரம்” திரைப்படத்தின் ரீமேக்கில் சல்மான் கான் மற்றும் பூஜா ஹெக்டே நடிப்பில் உருவாகி வருகிறது.
பிரபுதேவா இயக்கத்தில் நீண்ட காலதாமதத்துக்குப் பின்னர் சல்மான் கான் நடிப்பில் வெளியான “ராதே” திரைப்படம் படுமோசமான விமர்சனங்களை சந்தித்து தோல்வியடைந்தது. சல்மான் கான் அடுத்ததாக தமிழில் அஜீத் நடிப்பில் வெளியாகி வெற்றிபெற்ற “வீரம்” திரைப்படத்தின் ரீமேக்கில் நடித்துள்ளார். இப்படத்துக்கு “கிஸி க பாய் கிஸி கி ஜான்” என பெயர் வைக்கப்பட்டுள்ள நிலையில் பூஜா ஹெக்டே கதாநாயகியாக நடித்துள்ளார். வெங்கடேஷ் ஒரு முக்கியக் கதாபாத்திரத்தில் நடிக்கிறார். இதையடுத்து இத்திரைப்படத்தின் டிரெயிலர் நேற்று வெளியானது, ஆக்ஷன் காட்சிகள் பரபரப்போடு வெளியாகியுள்ள இந்த டிரையிலரில் “வீரம்” திரைப்படத்துக்கு எந்தவொரு சம்மந்தமும் இல்லாதது போல உருவாக்கப்பட்டுள்ளது.
