இந்த ஆண்டு அஜீத் நடித்துள்ள “துணிவு” திரைப்படம்மும் மற்றும் விஜய் நடித்த “வாரிசு” திரைப்படமும் பொங்கல் பண்டிகையொட்டி ஒரே நேரத்தில் வெளியாகவுள்ளது. இந்நிலையில் “துணிவு” திரைப்படத்திற்கு அதிக திரையரங்குகள் ஒதுக்க வேண்டும் என அஜீத் ரசிகர்கள் கோரிக்கை விடுத்துள்ளதாக செய்திகள் வெளியாகியுள்ளன.
இப்போது “துணிவு” திரைப்படத்தை வாங்கியுள்ள ரெட் ஜெயண்ட் மூவிஸ் நிறுவனம், தியேட்டர்களை ஒப்பந்தம் செய்யும் பணிகளை ஆரம்பித்துள்ளது. புறநகர் பகுதிகளில் கூட பல திரையரங்குகள் பொங்கலுக்கு தங்கள் தியேட்டரில் “துணிவு” ரிலீசாவதை உறுதி செய்துள்ளனர். ஆனால் “வாரிசு” திரைப்படத்துக்கான திரையரங்கு ஒப்பந்த வேலைகள் இன்னும் தொடங்கப்படவில்லை என்று கூறப்படுகிறது. இந்நிலையில்தான் ஒட்டுமொத்த வெளிநாட்டு ரிலீஸ் உரிமையையும் லைகா நிறுவனம் கைப்பற்றியுள்ளது. இப்போது வெளிநாடுகளில் அதிகளவில் திரையரங்குகள் முன்பதிவு செய்யும் வேலையை லைகா நிறுவனம் சைலண்டாக தொடங்கியுள்ளதாம். இதனால் வெளிநாடுகளில் “துணிவு” திரைப்படம் அதிக எண்ணிக்கையிலான திரையரங்குகளில் ரிலீசாகும் என எதிர்பார்க்கப்படுகிறது.
