உலகநாயகன் கமல்ஹாசன் நடிப்பில் “இந்தியன் 2” திரைப்படத்தின் வேலைகள் மீண்டும் விரைவில் தொடங்க உள்ளது.
ஷங்கர் இயக்கத்தில் உலகநாயகன் கமல்ஹாசன் நடிப்பில் உருவாகி வரும் “இந்தியன் 2” படம் தொடங்கப்பட்டு நான்கு ஆண்டுகளுக்கு மேலாகியும் இன்னும் ரிலீசாகவில்லை. படப்பிடிப்புத்தளத்தில் நடந்த விபத்துக் காரணமாக மூன்று பேர் உயிரிழந்ததை அடுத்து படப்பிடிப்பு நிறுத்தப்பட்டது. அதன் பின்னர் இன்னும் தொடங்கப்படவில்லை. படம் சம்மந்தமாக லைகா நிறுவனம் சென்னை உயர் நீதிமன்றத்தில் இயக்குனர் ஷங்கருக்கு எதிராக வழக்கு தொடர்ந்தது. அதில் சுமூக முடிவு ஏற்பட்டு நிலையில் விரைவில் படப்பிடிப்பு தொடங்கும் என எதிர்பார்க்கப்படுகிறது. “டான்” திரைப்படத்தின் வெற்றி விழாவில் கலந்துகொண்ட உதயநிதி ஸ்டாலின் “விரைவில் “இந்தியன் 2” திரைப்படத்தைத் தொடங்க இருக்கிறோம்” எனக் கூறியிருந்தார். இப்போது “இந்தியன் 2” திரைப்படம் பற்றிய மற்றொரு சுவாரஸ்யமான தகவல் வெளியாகியுள்ளது. படத்தைத் தொடங்கும் வேலைகள் ஆரம்பித்துள்ள நிலையில் முதல் வேலையாக படத்தின் பட்ஜெட்டைக் குறைக்க சொல்லி லைகா தரப்பில் இருந்து அழுத்தம் கொடுக்கப்பட்டுள்ளதாக சொல்லப்படுகிறது. ஏற்கனவே படத்தின் பட்ஜெட்டில் 30 சதவீதத்துக்கும் மேல் குறைக்கப்பட்டது. அடுத்த மாதம் ஆகஸ்ட் 24ம் தேதி முதல் படப்பிடிப்பை தொடங்க உள்ளதாக கூறப்படுகிறது. ஷங்கர் “இந்தியன் 2” மற்றும் தெலுங்கு படத்தையும் ஒரே நேரத்தில் இயக்கவுள்ளார்.
