நாக் அஸ்வின் இயக்கும் கல்கி திரைப்படம் கமல்ஹாசன், பிரபாஸ் நடிப்பில் மிக பிரம்மாண்டமாக உருவாகி வருகிறது. படத்தில் கமல்ஹாசன் “வில்லன்” வேடத்தில் நடித்துள்ளதாக கூறப்படுகிறது. இதற்காக அவருக்கு 150 கோடி ரூபாய் சம்பளம் கொடுக்கப்பட்டுள்ளதாக தகவல்கள் வெளியாகியுள்ளன.
கடந்த ஆண்டு இந்த திரைப்படத்தின் முன்னோட்டம் அமெரிக்காவில் வெளியிடப்பட்டது. படத்தின் முதல் பாகத்துக்கான ஷூட்டிங் நடந்து முடிந்துள்ளது. கமல்ஹாசன் இந்த படத்தின் முதல் பாகத்திற்கான தன்னுடைய காட்சிகளை நடித்து முடித்துள்ளார். ஜூன் 27ம் தேதி ரிலீசாகும் என அதிகாரப்பூர்வமாக அறிவிக்கப்பட்டுள்ளது. இதையடுத்து படத்தின் உலகளாவிய பிஸ்னஸ் தற்போது நடந்து வரும் நிலையில் வட அமெரிக்காவில் இந்த படம் மிகப்பெரிய சாதனையைப் படைத்துள்ளது. முன்பதிவில் மட்டும் 1.5 மில்லியன் அமெரிக்க டாலர்கள் இந்த படம் வசூல் செய்துள்ளதாக சொல்லப்படுகிறது. இது இந்திய மதிப்பில் 12 கோடி ரூபாய்க்கு மேல். இதுவரை எந்தவொரு இந்திய திரைப்படமும் இவ்வளவு பெரிய தொகையை ரிலீசுக்கு முன் வசூலித்தது இல்லை.
