யுவன் சங்கர் ராஜா இசையில் கவின் நடிப்பில் இளன் இயக்கத்தில் உருவான “ஸ்டார்” திரைப்படம் மே 10ம் தேதி ரிலீசாக உள்ளது. இத்திரைப்படத்தின் டிரெயிலர் வெளியாகி இணையத்தில் வைரலாகி வருகிறது.
நடுத்துர குடும்பத்தைச் சேர்ந்த கவின் தனது அம்மா படித்து முன்னேற வேண்டும் என்று கூற தனக்கு சினிமாவில் நடிக்க வேண்டும் என்று விருப்பம் இருப்பதாக கூறுகிறார். இதனால் அவரது அம்மா கவலைப்பட தனது லட்சியத்தை நோக்கி கவின் பயணம் செய்யும்போது சந்திக்கும் பிரச்சனைகள், இன்னல்கள், அவமானங்கள், காதலியை பிரிய வேண்டிய நிலை உள்ளிட்டவற்றை கலந்து “ஸ்டார்” ஆனாரா என்பது தான் படத்தின் கதை என்பது டிரெயிலரிலிருந்து தெரிய வருகிறது. இதுவரை ரொமான்ஸ் மற்றும் காமெடி நடிகராக மட்டுமே கவினை அனைவரும் பார்த்த நிலையில் இந்த படத்தில் ஒரு சீரியசான நடிகராகவும் குறிப்பாக செண்டிமெண்ட் காட்சிகளில் பட்டையை கிளப்பி உள்ளார். மொத்தத்தில் கவினின் நடிப்பில் ஒரு புதிய பரிமாணம் ஏற்பட்டிருக்கும் நிலையில் இந்த படம் நிச்சயம் அவருக்கு ஒரு திருப்பு முனையை ஏற்படுத்தும் என்று எதிர்பார்க்கப்படுகிறது.
