கோபி மற்றும் சுதாகர் சமூக வலைதளமான யூடியூபில் மிகவும் பிரபலமாக அறியப்படும் கிரவுட் பண்டிங் மூலமாக ஒரு திரைப்படத்தை தொடங்க உள்ளதாக சில ஆண்டுகளுக்கு முன்பு அறிவித்தனர். இதற்காக தங்கள் யூடியூப் சேனலின் பாலோயர்ஸிடம் இருந்து நிதி கேட்டனர். இதன் மூலம் சில கோடிகள் வரை வசூலானதாக சொல்லப்படுகிறது. ஆனால் அப்படத்தை இன்னும் தொடங்காமல் வேறு ஒரு படத்தை தங்களது பரிதாபங்கள் புரொடக்ஷன் மூலமாக தயாரித்து வருகின்றனர்.
அறிமுக இயக்குனர் விஷ்ணு விஜயன் இந்த படத்தை இயக்குகிறார். இது சம்மந்தமான புகைப்படங்கள் இணையத்தில் வெளியாகி வைரலாகின. இந்த படத்தின் ஷூட்டிங் முடிந்துள்ள நிலையில் விரைவில் ரிலிசாகும் என எதிர்பார்க்கப்படுகிறது. இதற்கிடையில் அவர் நடிக்கும் புதிய வெப் சீரிஸாக “கோடியில் இருவர்” உருவாகியுள்ளது. இந்த வெப் சீரிஸ் யுடியூபிலேயே வெளியாக உள்ளது. படிப்பை முடித்துவிட்டு ஆப் ஒன்றை டெவலப் செய்ய முயலும் இரண்டு இளைஞர்களின் கதையாக இந்த சீரிஸ் உருவாகும் என கூறப்படுகிறது. இந்த சீரிஸின் டிரெயிலர் சமீபத்தில் ரிலீஸ் ஆகி ரசிர்களின் கவனத்தை பெற்றுள்ளது.
