சிவகார்த்திகேயன் எஸ்டிஆருக்கு கூறிய நன்றி எதற்கு?

நடிகர் சிவகார்த்திகேயன் நடிகர் சிம்புவுக்கு நன்றி கூறி தனது டுவிட்டர் பக்கத்தில் பதிவிட்டுள்ளார்.

நடிகர் சிவகார்த்திகேயன், மரியா, சத்யராஜ் உள்பட பலர் நடித்து இயக்குனர் அனுதீப் கே.வி இயக்கத்தில் உருவான திரைப்படம் “பிரின்ஸ்.” இத்திரைப்படத்திற்கு தமன் இசையமைத்து வருகிறார். தமிழ், தெலுங்கு ஆகிய இரண்டு மொழிகளில் உருவாகியுள்ளது. இப்படத்தின் டிரெயிலர் வெளியீட்டு விழா நேற்று சென்னையில் நடைபெற்றது. இவ்விழாவில் சிவகார்த்தியன் உள்ளிட்ட படக்குழுவினர் அனைவரும் கலந்து கொண்டனர். படத்தின் டிரெயிலர் ஒரு முக்கிய சமூக பிரச்சனையை அலசுகிறது என்பதும் தெரிய வருகிறது. ஆனால் அதே நேரத்தில் ரொமான்ஸ் மற்றும் காமெடியுடன் கலந்து இயக்குனர் படத்தை கொடுத்துள்ளதாக ரசிகர்கள் கூறி வருகின்றனர். நடிகர் சிம்பு, தனது டுவிட்டர் பக்கத்தில், “பிரின்ஸ்” டிரெயிலர் எனக்குப் பிடித்துள்ளது. நான் அதை விரும்புகிறேன்” என்று தெரிவித்து, “பிரின்ஸ்” படக்குழுவை பாராட்டியுள்ளார். இதற்கு சிவகார்த்திகேயேன் ரீ டுவிட்டில், “பிரின்ஸ்” பட டிரெயிலர் நீங்கள் விரும்பியது மகிழ்ச்சியை தருகிறது. மிக நன்றிகள் சார்” என்று பதிவிட்டுள்ளார்.