நடிகர் சூர்யா உட்பட பல்வேறு நட்சத்திரங்கள் 68வது தேசிய விருதுகள் வழங்கும் விழாவில் கலந்து கொண்டுள்ளனர்.
மத்திய அரசு நாட்டில் கலைத்துறைக்கான, 68வது தேசிய விருதுகள் கடந்த ஜூலை மாதம் 22ம் தேதி அறிவித்தது. இதில், தமிழ் சினிமாவில், சூர்யா நடிப்பில் சுதா கொங்கரா இயக்கத்தில் ஜி.வி.பிரகாஷ் இசையில் உருவான “சூரரைப்போற்று” திரைப்படத்திற்கு 5 விருதுகள் அறிவிக்கப்பட்டது. அதில், சிறந்த படம் – 2டி எண்டர்டெயின்மெண்ட் நிறுவனமும், சிறந்த நடிகர் சூர்யாவும், சிறந்த நடிகை அபர்ணா பாலமுரளியும், சிறந்த இசையமைப்பாளர் ஜி.வி.பிரகாஷ்க்கும், சிறந்த திரைக்கதை சுதா கொங்கராவுக்கும் விருதுகள் அறிவிக்கப்பட்டது. இதனால், சூர்யா ரசிகர்கள் மகிழ்ச்சியடைந்தனர். இந்நிலையில், 68வது தேசிய விருதுகள் வழங்கும் விழா இன்று டில்லியில் நடக்கிறது. இதில், கலந்து கொள்வதற்காக, நடிகர் சூர்யா, அவரது தந்தை, சிவகுமார் மற்றும் சூர்யாவின் பிள்ளைகளான தியா, தேவ் ஆகியோர் கலந்து கொண்டுள்ளனர்.
