நாளை நடைபெற உள்ள கலைஞர் என்னும் தாய் என்ற நூல் வெளியீட்டு விழாவில் முதலமைச்சர் மு.க.ஸ்டாலின் மற்றும் நடிகர் ரஜினிகாந்த் ஆகியோர் கலந்து கொள்ள இருப்பதாக தகவல் வெளியாகி உள்ளன.
கலைஞர் என்னும் தாய் நூல் அமைச்சர் ஏவ வேலு எழுதியுள்ளார். இந்நூல் நாளை வெளியிடவிருக்கும் நிலையில் இந்நூலை முதலமைச்சர் மு.க.ஸ்டாலின் தனது சமூக வலைத்தளத்தில் பாராட்டியுள்ளார். சென்னை கலைவாணர் அரங்கில் நாளை மாலை 6:00 மணிக்கு நூல் வெளியீட்டு விழா நடைபெறவுள்ளது. இந்நூலை முதலமைச்சர் மு.க.ஸ்டாலின் வெளியிடவுள்ளார். அதை நடிகர் ரஜினிகாந்த் பெற்றுக் கொள்ள இருப்பதாகவும் அறிவிக்கப்பட்டுள்ளது. மேலும் இந்து ராம் உள்ளிட்ட சில மூத்த பத்திரிகையாளர்கள் இந்நிகழ்ச்சியில் கலந்து கொள்ள இருப்பதாக தகவல் வெளியாகி உள்ளன. இந்நூல் குறித்து முதலமைச்சர் மு.க.ஸ்டாலின், “குறளோவியம் தீட்டிய முத்தமிழறிஞர் கலைஞருக்கு எழுத்தோவியம் தீட்டியிருக்கிறார் அருமைச் சகோதரர் எ.வ.வேலு. கலைஞரால் `எதிலும் வல்லவர்’ எனப் போற்றப்பட்டவர் எ.வ.வேலு. எழுத்திலும் வல்லவர் என்பதை மெய்ப்பித்துக் காட்டும் வகையில், இந்த நூலை எழுதியிருக்கிறார்” என்று கூறினார்.
