பிரபல நடிகர் தக்காளி குறித்து கருத்து!

நடிகர் சுனில்ஷெட்டி “தக்காளி விலை உயர்வு காரணமாக சமீப காலமாக நானும் தக்காளி சாப்பிடுவதைக் குறைந்து கொண்டேன்’’ என்று கூறியுள்ளார்.

இந்தி சினிமாவின் பிரபல நடிகரான சுனில் ஷெட்டி 1992ம் ஆண்டு தன் 31 வயதில் பால்வானுடன் இந்தி சினிமாவில் நடிகராக அறிமுகமானார். அதன்பின், இந்தி சினிமாவில் ஆக்ஷன் ஹீரோவானார். பெஹ்சான், மொஹ்ரா, சாஸ்த்ரா, உள்ளிட்ட 100க்கும் மேற்பட்ட படங்களுக்கு நடித்துள்ளார். தமிழில் 12 பி படத்திலும், கடந்த 2020ல் ரஜினிகாந்துடன் இணைந்து “தர்பார்” படத்தில் நடித்திருந்தார். இவர், தக்காளி விலை விலை உயர்வு குறித்து “தக்காளி விலை உயர்வு தினசரி மக்களின் தினசரி வாழ்க்கையில் பாதிப்பை ஏற்படுத்தியுள்ளது. நான் நடிகன் என்பதால் இது என்னைப் பாதிக்காது என நினைக்க வேண்டாம். இதை நாங்களும் எதிர்கொள்கிறோம். தக்காளி விலை உயர்வால் உணவின் சுவை மற்றும் தரத்திலும் சமரசம் செய்ய வேண்டியதிருக்கிறது. காய்கறிகள் பழங்கள் ஆகியவற்றை ஆன்லைன் மூலம் பெறுகிறேன். இந்த தக்காளி விலை உயர்வு காரணமாக சமீப காலமாக நானும் தக்காளி சாப்பிடுவதைக் குறைந்து கொண்டேன்’’ என்று கூறியுள்ளார்.