மற்றொரு தமிழ் நடிகருக்கு கோல்டன் விசா கிடைத்துள்ளது.
ஐக்கிய அரபு அமீரகம் கடந்த 2019-ம் ஆண்டு முதல் விசா வழங்கும் நடைமுறைகளில் பல்வேறு மாற்றங்களை கொண்டு வந்துள்ளது. இதையடுத்து இப்போது இந்தியாவைச் சேர்ந்த நடிகர்கள், விளையாட்டு வீரர்கள் ஆகியோர்களுக்கு கோல்டன் விசா எனும் சிறப்பு விசாவை வழங்கி வருகிறது. இந்த விசாவைப் பெறுபவர்கள் 10 ஆண்டுகள் எப்போது வேண்டுமானாலும் துபாய்க்கு சென்று வரலாம். வேறு எந்த விசாவும் எடுக்க தேவையில்லை. இந்த விசா இப்போது தென்னிந்தியாவைச் சேர்ந்த சினிமாக் கலைஞர்கள் பலருக்கு அளிக்கப்பட்டு வருகிறது. அவ்வகையில் மோகன்லால், மம்மூட்டி, துல்கர் சல்மான், டோவினோ தாமஸ், திரிஷா, காஜல் அகர்வால், பார்த்திபன், பாடகி சித்ரா மற்றும் நடிகர் கமல்ஹாசன் ஆகியோருக்கு வழங்கப்பட்டது. அப்பட்டியலில் இப்போது தமிழ் சினிமாவின் பிரபல நடிகரான அருண் விஜய்யும் இணைந்துள்ளார். இது சம்மந்தமான புகைப்படத்தை இப்போது இணையத்தில் அவர் வெளியிட்டுள்ளார்.
