இன்று தமிழ்நாட்டில் நடந்த +2 ஆங்கிலப் பாடத்தேர்வை 49 ஆயிரம் மாணவிகள் எழுதவில்லை என்ற தகவல் வெளியாகி உள்ளது.
கடந்த மார்ச் 13ம் தேதி 2022&-23ம் கல்வி ஆண்டுக்கான +2 பொதுத்தேர்வு தொடங்கியது. இத்தேர்வை 8 லட்சத்து 51 ஆயிரத்து 303 மாணவ -மாணவிகளும், தனித் தேர்வர்களாக 23 ஆயிரத்து 747 பேரும் என மொத்தம் 8 லட்சத்து 75 ஆயிரத்து 50 பேர் எழுத விண்ணப்பித்திருந்தனர். இத்தேர்வுக்காக 3 ஆயிரத்து 225 இடங்களில் தேர்வு மையங்கள் அமைக்கப்பட்டு இருந்தன. தமிழகத்தில் நேற்று முன்தினம் நடந்த முதல் தேர்வான தமிழ் மொழி தேர்வை 50 ஆயிரத்து 674 மாணவ மாணவிகள் எழுதவில்லை என பள்ளி கல்வித்துறை தெரிவித்தது. இன்று நடைபெற்ற ஆங்கில பாடத்தேர்விற்கு 49 ஆயிரம் மாணாவ, மாணவிகள் தேர்வுக்கு வரவில்லை என்ற தகவல் வெளியாகி அதிர்ச்சியை ஏற்படுத்தியுள்ளது. மேலும், பெரும்பாலான மாணவர்கள் தேர்ச்சி பெற முடியாது என்பதால் அவர்கள் தேர்வு எழுதவில்லை என்று கூறப்படுகிறது.
