திருச்சியில் பள்ளி மாணவி உள்பட 4 பேர் மாயம். போலீசார் விசாரணை.
திருச்சி உறையூர் கலையான் தெரு பகுதியைச் சேர்ந்தவர் சக்திவேல். இவரது மகள் துர்கா தேவி(வயது 15) இவர் தில்லை நகரில் உள்ள பள்ளியில் ஒன்பதாம் வகுப்பு படித்து வருகிறார். சம்பவத்தன்று வீட்டிலிருந்து சென்ற துர்கா தேவி மீண்டும் வீடு திரும்பவில்லை. இது குறித்து அவரது தந்தை சக்திவேல் கொடுத்த புகாரின் பேரில் உறையூர் போலீஸ் இன்ஸ்பெக்டர் வெற்றிவேல் வழக்கு பதிந்து விசாரணை நடத்தி வருகிறார்.
இதேபோன்று திருச்சி பாலக்கரை சங்கிலியாண்ட புரம் மெயின் ரோடு பகுதியைச் சேர்ந்த தௌலக் பாஷா (வயது 76) என்பவர் கடைக்குச் சென்றவர் வீடு திரும்பவில்லை. இதுகுறித்து பாலக்கரை போலீசார் வழக்கு பதிந்து தேடி வருகின்றனர். திருச்சி தாராநல்லூர் பூக்கொல்லை பகுதியைச் சேர்ந்த பீர் முகமது மனைவி நூர்ஜகான் என்பவர் வீட்டை விட்டு வெளியே சென்றவர் வீடு திரும்பவில்லை. இவர்களுக்கு இரண்டு குழந்தைகள் உள்ளனர் .இது குறித்த புகாரின் பேரில் காந்தி மார்க்கெட் போலீசார் வழக்கு பதிந்து விசாரணை நடத்தி வருகின்றனர். இதேபோல் திருச்சி பீமநகர் ஹீபர்ரோடு பகுதியைச் சேர்ந்த சாமிநாதன் (வயது 81)என்பவரையும் காணவில்லை. இதுகுறித்து அவரது மனைவி வசந்தி சாமிநாதன் கொடுத்த புகாரின் அடிப்படையில் கண்டோன்மென்ட் போலீசார் வழக்கு பதிந்து விசாரணை நடத்தி வருகின்றனர்.
