அமெரிக்க அதிபர் தேர்தலில் தற்போதுவரை முடிவுகள் தெரியாத நிலையில் அங்கு நடந்த அதிபர் தேர்தலில் பல்வேறு சுவாரசிய சம்பவங்கள் அரங்கேறியுள்ளன இந்நிலையில், டெலாவேர் மாகாணத்தி ல் ஜனநாயக கட்சியை சேர்ந்த சாரா மெக்ப்ரைட் என்ற திருநங்கை செனட் உறுப்பினராக வெற்றிபெற்றுள்ளார். இதன்படி டெலாவேர் செனட்டில் முதல் திருநங்கை உறுப்பினர் என்ற பெயர் சாரா மெக்ப்ரைடுக்கே.
சாராவை எதிர்த்து போட்டியிட்ட குடியரசு கட்சி வேட்பாளர் ஸ்டீவ் வாஷிங்டன் தோல்வியடைந்துள்ளார். டெலாவேரில் வடக்கு வில்மிங்டன் முதல் பென்சில்வேனியா எல்லை வரை முழுக்க முழுக்க ஜனநாயகக் கட்சிக்கு ஆதரவான பகுதிகளாகும்.
டெலாவேர் மாகாணத்தில் ஏற்கெனவே பல்வேறு திருநங்கைகள் மக்கள் பிரதிநிதிகளாக இருக்கின்றனர். ஆனால், செனட் உறுப்பினராக ஒரு திருநங்கை தேர்வு செய்யப்பட்டிருப்பது இதுவே முதல்முறை.
இதுகுறித்து சாரா மெக்ப்ரைட் பேசியபோது, “நான் வாழ்நாள் முழுவதும் நம்பியதைத்தான் இந்த தேர்தல் முடிவுகள் பிரதிபலிக்கின்றன. மாவட்டத்தை சேர்ந்த மக்கள் மிகவும் நியாயமான மனநிலை கொண்டவர்கள். மக்கள் வேட்பாளரின் சிந்தனைகளை பார்க்கின்றனரே தவிர அடையாளத்தை அல்ல” என்று தெரிவித்தார்.
சாரா மெக்ப்ரைடின் பிரச்சாரத்துக்கு அமெரிக்கா முழுவதிலும் இருந்து 270,000 டாலர் நன்கொடையாக கிடைத்துள்ளது. இதற்கு முன் அமெரிக்க பல்கலைக்கழகத்தின் மாணவர் அமைப்பு தலைவராகவும் சாரா மெக்ப்ரைட் பொறுப்பு வகித்துள்ளார்.
இதுபோன்ற செய்திகளை உடனே தெரிந்து கொள்ள நமது நெற்றிக்கண் சமூக வலைத்தள பக்கங்களை பின்பற்றி கொள்ளவும்
