பிரதமர் மோடி அயோத்தி ரயில் நிலையம் பெயர் மாற்றம் செய்யப்பட்டும், புனரமைக்கப்பட்ட புதிய ரயில் நிலையத்தை வரும் 30ம் தேதி திறந்து வைக்க உள்ளதாக தகவல்கள் வெளியாகி உள்ளது.
ஜனவரி 22ம் தேதியன்று அயோத்தியில் மிகவும் பிரம்மாண்டமான ராமர் கோவில் கும்பாபிஷேகம் நடைபெற உள்ளது. இவ்விழாவில் ஏராளமான அரசியல் தலைவர்கள், திரையுலக பிரபலங்கள், வெளிநாட்டு பிரதிநிதிகள் பங்கேற்க உள்ளனர். ராமர் கோயிலுக்கு இந்தியா முழுதும் இருந்து பக்தர்கள் வருவார்கள் என்று எதிர்பார்க்கப்படுகிறார்கள். அயோத்தி ரயில் நிலையம் கடந்த சில மாதங்களாக புனரமைக்கப்பட்டு வருகிறது. இப்பணி தற்போது முடிவடைந்துள்ள நிலையில் டிசம்பர் 30ம் தேதி புனரமைக்கப்பட்ட ரயில் நிலையத்தை பிரதமர் மோடி திறந்து வைக்க உள்ளார். இதுவரை அயோத்தி ரயில் சந்திப்பு என்ற பெயர் இருந்த நிலையில் இனிமேல் அது அயோத்தி தாம் சந்திப்பு என மாற்றம் செய்யப்பட்டுள்ளதாக ரயில்வே துறை அறிவித்துள்ளது. அயோத்தி தாம் என்றால் ராமர் சீதையின் இருப்பிடம் என்பது பொருள்.
