சென்னை ஐஐடி இந்தியாவில் முதல் முறையாக மருத்துவம் மற்றும் தொழில்நுட்பத்தில் நான்காண்டு பட்டப்படிப்பை அறிமுகம் செய்துள்ளது. இந்தியாவில் இதுதான் முதல் முறையாக அறிமுகம் செய்யப்படும் படிப்பு என்பது குறிப்பிடத்தக்கது.
சென்னை ஐஐடியில் பொறியியல் மற்றும் தொழில்நுட்பம் சம்பந்தமான பல்வேறு துறைகள் இயங்கி வரும் நிலையில் மருத்துவம் மற்றும் தொழில்நுட்ப துறையில் புதிய படிப்புகள் அறிமுகம் செய்யப்பட்டுள்ளன. இந்தியாவிலேயே முதல் முறையாக மருத்துவம், தொழில்நுட்பத்தில் பிஎஸ் என்ற நான்காண்டு பட்டப்படிப்பை சென்னை ஐஐடி அறிமுகம் செய்துள்ளது. மருத்துவமனை தொழில்நுட்பம் இடையே கூட்டு ஆராய்ச்சியான இந்த படிப்பு மருத்துவத்துறையில் இந்தியாவை முன்னணி நாடாக மாற்றுவதற்கான ஏற்பாடு ஆகியவை இப்படிப்பின் மூலம் நிறைவேறும் என்று கூறப்படுகிறது. விண்வெளி, அணுசக்தி, டிஜிட்டல், உயரி, தொழில்நுட்பம் போன்ற துறைகளில் ஏற்கனவே நாம் வளர்ச்சி அடைந்துள்ளோம். அவ்வகையில் மருத்துவம் மற்றும் தொழில்நுட்ப கூட்டு துறையில் புதிய அடித்தளமாக அமையும் வகையில் இந்த படிப்பு இருக்கும் என்று சென்னை ஐஐடியின் இயக்குனர் கூறியுள்ளார்.
