தமிழக பாஜக தலைவர் அண்ணாமலையின் நடைபயணத்தை துவக்கி மத்திய உள்துறை அமைச்சர் நாளை தமிழகம் வர இருப்பதாகவும் தகவல் வெளியாகியுள்ளன.
நாளை மறுநாள் பாஜக தலைவர் அண்ணாமலை ராமேஸ்வரம் கோயிலிலிருந்து நடை பயணத்தை தொடங்குகிறார். இந்த நடைபயணத்தை தொடங்கி வைப்பதற்காக நாளை டில்லியிலிருந்து மதுரை விமான நிலையத்திற்கு வரும் அமித்ஷா அங்கிருந்து ஹெலிகாப்டர் மூலம் ராமேஸ்வரம் செல்கிறார். இதனை அடுத்து மாலை 5:45 மணிக்கு ராமநாதபுரம் பேருந்து நிலையத்தில் நடைபெறும் நிகழ்ச்சியில் கலந்து கொள்கிறார். இதன் பின் அண்ணாமலையின் நடை பயணத்தை தொடங்கி வைக்கும் அமித்ஷா ராமேஸ்வரத்தில் அன்றிரவு தங்குகிறார். மறுநாள் சனிக்கிழமை அதிகாலை 5.40 மணிக்கு ராமேஸ்வரம் ராமநாதபுர சுவாமி கோயிலில் தரிசனம் செய்கிறார். கட்சியின் நிர்வாகி ஒருவர் வீட்டுக்கு செல்லும் அமித்ஷா, அப்துல் கலாம் புத்தகம் ஒன்றையும் வெளியிட உள்ளார். இதையடுத்து விவேகானந்தர் இல்லத்தை பார்வையிடும் அமைச்சர் அமித்ஷா அதன் பிறகு ஹெலிகாப்டர் மூலம் மதுரை சென்று அங்கிருந்து தனி விமானத்தில் டில்லி செல்கிறார்.
