நடிகை ராஷ்மிகா இந்தியளவில் பிரபலமான நடிகையாக உள்ளார். அவரின் சினிமா வாழ்க்கை தொடங்கியது கன்னட சினிமாவில்தான். அடுத்தடுத்து பன்மொழிப் படங்களில் நடித்து ஹிட் கொடுத்து முன்னணி நடிகையாக மாறியுள்ள அவரை ரசிகர்கள் செல்லமாக “நேஷனல் க்ரஷ்” என்று அழைத்து வருகின்றனர்.
ராஷ்மிகா, பிரபல தெலுங்கு நடிகரான விஜய் தேவரகொண்டாவை காதலிப்பதாக கிசுகிசுக்கள் எழுந்தன. ஆனால் அதை இருவருமே மறுத்து வருகின்றனர். இருவரும் ஒன்றாக மாலத்தீவுகளுக்கு சுற்றுலா சென்றதாக தகவல்கள் பரவின. படங்களில் பிஸியாக நடித்து வரும் ராஷ்மிகா, சினிமாவுக்கு வெளியேயும் சமூகவலைதளங்கள் மூலமாக ரசிகர்களோடு தொடர்பிலிருந்து வருகிறார். சமீபத்தில் அவர் அளித்த நேர்காணல் ஒன்றில் பிரபல கார்ட்டூன் கதாபாத்திரமான நரூட்டோவை தான் ரகசியமாக காதல் திருமணம் செய்துகொண்டதாக அறிவித்துள்ளார்.
