‘லியோ’ படக்குழு பாலிவுட் நடிகர் சஞ்சய் தத்தின் 64வது பிறந்த நாளை முன்னிட்டு அவருக்கு பிறந்த நாள் பரிசாக கிளிம்ப்ஸ் வீடியோவை வெளியிட்டு வாழ்த்துகள் கூறியுள்ளனர்.
நடிகர் விஜய் தற்போது லோகேஷ் கனகராஜ் இயக்கத்தில் ‘லியோ’ படத்தில் நடித்துள்ளார். படத்தின் முதல் சிங்கில் “நா ரெடி’’ பாடல் நடிகர் விஜய்யின் பிறந்த நாளை முன்னிட்டு வெளியானது. அனிருத் இசையமைப்பில் உருவான இப்பாடலை விஜய் பாடியிருந்தார். வைசாக் பாடல் எழுதியிருந்தார். இப்பாடல் ரசிகர்களிடையே நல்ல வரவேற்பை பெற்றது. ‘லியோ’ பட ஷூட்டிங் நிறைவடைந்த நிலையில், இப்பட பின்னணி வேலைகள் நடைபெற்று வருகிறது. இப்படம் அக்டோபர் 19ம் தேதி வெளியாகவுள்ளது. இப்படத்தின் அடுத்த அப்டேட் எப்போது என்று ரசிகர்கள் கேள்வி எழுப்பி வருகின்றனர். ‘லியோ ‘படத்தில் முக்கிய வில்லனாக நடித்துள்ள பாலிவுட் நடிகர் சஞ்சய் தத்தின் பிறந்தநாளை முன்னிட்டு, அவருக்குப் பிறந்தநாள் பரிசாக லியோ படத்தில் அவர் சம்பத்தப்பட்ட கிளிம்ப்ஸ் வீடியோவை வெளியிட்டுள்ள பிறந்தநாள் வாழ்த்துகள் கூறியுள்ளார் இயக்குனர் லோகேஷ் கனகராஜ். இந்த வீடியோ சமூக வலைதளங்களில் வைரலாகி வருகிறது. இப்படத்தில் அந்தோனிதாஸ் என்ற கேரக்டரில் சஞ்சத் தத் நடித்துள்ளார். இதைச் சற்றும் எதிர்பார்க்காத விஜய் ரசிகர்கள் இன்ப அதிர்ச்சியடைந்துள்ளனர்.
