“கங்குவா” திரைப்படம் சிறுத்தை சிவா இயக்கத்தில் நடிகர் சூர்யா நடித்து வருகிறார். இத்திரைப்படத்தின் பெரும்பாலான ஷூட்டிங் முடிவடைந்துள்ளது. விரைவில் அவர் சுதா கொங்கரா இயக்கத்தில் ஒரு படத்தில் நடிக்க உள்ளார். இந்த படத்தையும் சூர்யாவின் 2டி எண்டர்டெயின்மெண்ட் நிறுவனமே தயாரிக்க உள்ளது.
இப்படத்தின் டைட்டில் புரமோஷன் வீடியோ கடந்த மாதம் வெளியாகி கவனம் பெற்றது. படத்தின் புரமோஷன் வீடியோவில் புறநானூறு என்ற டைட்டில் இடம்பெற்றிருந்தது. இந்த படத்தில் துல்கர் சல்மான் மற்றும் நஸ்ரியா ஆகிய இருவரும் நடிக்கவுள்ளனர். டிசம்பர் நான்காவது வாரத்தில் இத்திரைப்படத்தின் ஷூட்டிங் தொடங்க இருந்தது. ஆனால் இப்போது சில காரணங்களால் இந்த படத்தின் ஷூட்டிங் பிப்ரவரி இறுதிக்கு ஒத்திவைக்கப்பட்டுள்ளதாக தகவல்கள் வெளியாகியுள்ளன. ஷூட்டிங் கல்லூரிக்கு இடைஞ்சலாக இருக்கும் என்பதால் கல்லூரி விடுமுறை நாட்களில் இப்படத்தை எடுக்க பிப்ரவரி மாதம் வரை காத்திருக்க உள்ளதாக கூறப்படுகிறது. இந்த படத்தின் முதல் பாடலை சமீபத்தில் ரெக்கார்ட் செய்துள்ளார் ஜி.வி.பிரகாஷ். இந்த பாடலை பாடகி தீ பாடியுள்ளார்.
