“இன்று நேற்று நாளை” பட இயக்குனருடன் இணையும் சூர்யா!

பிரபல இயக்குநர் ரவிக்குமாருடன் இணைந்து பணியாற்ற இருக்கிறார் நடிகர் சூர்யா.

நடிகர் சூர்யா நடிப்பில் வெளியான “சூரரைப் போற்று,” “ஜெய்பீம்,” “எதற்கும் துணிந்தவன்” உட்பட பல படங்கள் ஹாட்ரிக் வெற்றி பெற்றுள்ளது. தற்போது, இவர் தயாரிப்பில் “சூரரைப் போற்று” படம் இந்தியில் அஜய்தேவ்கான் நடிப்பில் ரீமேக் ஆகிறது. பாலா இயக்கி வரும் ஒரு புதிய படத்திலும் நடித்து வருகிறார். இப்படம் மீனவர் பிரச்சனையை மையமாக வைத்து எடுத்துக் கொண்டிருப்பதாக தகவல் வெளியாகி உள்ளது.
இப்படத்தை அடுத்து வெற்றிமாறன் இயக்கத்தில் “வாடிவாசல்” படத்திலும் நடிக்கவுள்ளார் சூர்யா.

இந்த படங்களை முடித்த பின், “நேற்று இன்று நாளை,” “அலயான்” ஆகிய படங்களை இயக்கிய ரவிக்குமாரின் இயக்கத்தில் சூர்யா நடிக்கவுள்ளதாகவும், இப்படம் 2024ம் ஆண்டு தொடங்கவுள்ளதாகவும், இப்படத்தை டிரீம் வாரியர் பிக்சர்ஸ் தயாரிக்கவுள்ளதாகவும் புதியதொரு தகவல் வெளியாகியுள்ளது.