கல்வி வள்ளல் செங்கல்வராய நாயகர் 1829 ஆம் ஆண்டு பிறந்தார். அவரது தந்தை பெருமாள் நாயகர், மெட்ராஸ் இராணுவத்தில் (Madras Army) சுபேதார்- மேஜராக இருந்தார். “சர்தார் பகதூர்” என்ற பட்டத்தை அரசாங்கம் அவருக்கு வழங்கி கவுரவித்தது. இவரது தாய் தெய்வயனம்மல். செங்கல்வராய நாயகர் அனைவரிடமும் இனிமையான தன்மையுடன் பழகக்கூடியவர். இவர், கடவுள் மற்றும் பெற்றோர் மீது அதீத பக்தி கொண்டவராக விளங்கினார். அவரை சுற்றியுள்ள அனைவருக்கும் கருணை காட்டினார்.
வள்ளல் செங்கல்வராய நாயகர்
அவரது தந்தை மரணத்தின்போது, 30 வயதாக இருந்த செங்கல்வராய நாயகர், அதன் பின், சொந்தமாக தொழில் தொடங்கினார். வணிகத்தில் மிகுந்த ஆர்வத்தை வளர்த்துக் கொண்டார். மெட்ராஸில் இந்திய வர்த்தக சமூகத்தின் தலைவராக உயர்ந்தார். அவர் மெஸ்ஸர்களின் துபாஷ் ஆனார். வணிகத்தில் மிகப்பெரிய வெற்றியை பெற்றார். ஷான்ட் அண்ட் கோ, பெரிய அளவிலான செல்வத்தை சம்பாதித்தது. ஏழைகளை பார்த்து அவர் இதயம் உருகியது.
1857 ஆம் ஆண்டு, பெரும் பஞ்சத்தின்போது, அவரது வீடு நிவாரண முகாமாக மாறியது. அங்கு ஜாதி, மத வேறுபாடின்றி, மக்களுக்கு தேவையான பொருட்கள் விநியோகிக்கப்பட்டன.
செங்கல்வராய நாயகரின் ஆதரவுடன், வைஷ்ணவர்களின் புனித புத்தகங்களைத் திருத்தி வெளியிட, ஒரு சபா நிறுவப்பட்டது. அவரது நற்பணி மன்றங்களின் நிரந்தர தொடர்ச்சியை உறுதி செய்வதற்கான ஒரு திட்டம், பல ஆண்டுகளாக அவரது மனதில் இருந்தது. அதன்படி, 1870 ஆம் ஆண்டு நாயகர் தனது சொத்துக்கள் அனைத்தையும் உயில் மூலம், ஏழைகள் மற்றும் அனாதைக் குழந்தைகள் பயன்பெறும் வகையில் அறக்கட்டளை ஒன்றை ஏற்படுத்தினார்.
இதன்மூலம் வள்ளல் பி. டி. லீ. செங்கல்வராய நாயகர் அறக்கட்டளை, வேப்பேரி,சென்னை-7 என்ற முகவரியில் கடந்த 145 ஆண்டுகளாகச் செயல்பட்டு வருகிறது. இவ்வறக்கட்டளை மூலம், மருத்துவம், தொழிற்கல்வி, பொறியியற்கல்வி போன்ற கல்வி நிறுவனங்கள் உருவாக்கப்பட்டு, அதில் ஏழை, எளிய மக்கள் பயன்பெறும் வகையில் செயல்பட்டு வருகின்றன. கல்வியே அழியா செல்வம் என்று 1 லட்சம் கோடி மதிப்புள்ள சொத்துக்களை கல்விக்காக எழுதிவைத்து மறைந்த கல்வி வள்ளல் பி. டி. லீ. செங்கல்வராய நாயகர் அவர்களின் 192-வது பிறந்த தினம் இன்று. எழுத்தறிவித்தவன் இறைவன் என்றால், அந்த எழுத்தறிவை தனது கல்வி நிலையங்கள் மூலமாக லட்சகணக்கான பாமர மக்களுக்கு கொடுத்த இவரும் ஒரு இறைவன் தான். கல்வி வள்ளல் பி .டி.லீ .செங்கல்வராய நாயகர் அவர்களின் பிறந்தநாளில் அவரை வணங்குவோம்.
