ஆச்சரியமான முறையில் ஆட்டோ ஓட்டுநர் விஜய் பிறந்த நாளை கொண்டாடி உள்ளார்.
நடிகர் விஜய்யின் பிறந்தநாளுக்கு இலவசமாக ஆட்டோ ஓட்டியுள்ளார் ரசிகர் ஒருவர். பாண்டிச்சேரியை சேர்ந்த நடிகர் விஜய்யின் ரசிகர் ஒருவர் இன்று விஜய்யின் பிறந்த நாளை முன்னிட்டு தன்னுடைய ஆட்டோவில் ஏறும் அனைவருக்கும் இலவசமாக சேவை செய்ய இருப்பதாகவும், அதற்கு எந்தவித கட்டணமும் பெறப் போவதில்லை என்றும் தெரிவித்துள்ளார். அவர் பெரும்பாலும் பெண் பயணிகளை ஏற்றி அவர்கள் எங்கு செல்லவேண்டுமோ அவர்களை இறக்கி விட்டதோடு பயணம் செய்ததற்காக ஒரு பைசா கூட கட்டணம் வாங்கவில்லை என்பதும் கூடுதல் சிறப்பு. விஜய் பிறந்தநாளை முன்னிட்டு அவர் இந்த சேவையை செய்து வருவதாக தெரிவித்துள்ளார். விஜய் ரசிகர்கள் பலரும் அவருக்கு வாழ்த்துக்கள் கூறி உள்ளனர்.
