சூப்பர் ஸ்டார் ரஜினிகாந்த் நெல்சன் கூட்டணியில் “ஜெயிலர்” திரைப்படம் உருவாகி ரிலீசுக்காக காத்திருக்கிறது. இத்திரைப்படத்தில் மோகன்லால், சிவராஜ் குமார், ஜாக்கி ஷ்ராஃப், தமன்னா, ரம்யா கிருஷ்ணன் என பெரிய நடிகர் பட்டாளமே நடித்துள்ளனர்.
அனிருத் இசையில் பாடல்கள் வெளியாகி ஹிட்டாகியுள்ளன. இத்திரைப்படத்தின் டிரெயிலர் வெளியாகி ரசிகர்களின் கவனத்தை ஈர்த்துள்ளது. பெரும் எதிர்பார்ப்புகளுக்கு மத்தியில் நாளை இத்திரைப்படம் உலகம் முழுதும் ரிலீசாகிறது. தமிழ்நாட்டில் மட்டுமில்லாமல் இந்தியா முழுதும் அதிகளவிலான எண்ணிக்கையில் இத்திரைப்படம் ரிலீசாகிறது. பெங்களூருவில் மட்டும் இந்த திரைப்படம் முதல் நாளில் 1090 காட்சிகள் திரையிடப்படுகிறது. இதற்கு முன்னர் “கேஜிஎப் 2” திரைப்படம் 1039 காட்சிகள் திரையிடப்பட்டதே அதிக காட்சிகளாக அமைந்தது. அந்த சாதனையை இப்போது “ஜெயிலர்” திரைப்படம் முறியடித்துள்ளது.
