வலைதளம் குறித்து இயக்குனர் லோகேஷ் கனகராஜ் விளக்கமளித்துள்ளார்.
இயக்குனர் லோகேஷ் கனகராஜ் “மாநகரம்” படத்தின் மூலம் இயக்குனராக அறிமுகமானார். நடிகர் கார்த்தி நடிப்பில் “கைதி,” விஜய் நடிப்பில் “மாஸ்டர்,” கமல்ஹாசன் நடிப்பில் “விக்ரம்” ஆகிய படங்களை இயக்கியுள்ளார். சமீபத்தில் இவர் இயக்கத்தில், விஜய், திரிஷா, சஞ்சய் தத் ஆகியோ நடிப்பில் வெளியான “லியோ” திரைப்படம் வசூலை அள்ளி குவித்தது. லோகேஷ் கனகராஜ் அடுத்ததாக சூப்பர் ஸ்டார் ரஜினி நடிப்பில் தலைவர் 171 என்ற படத்தை இயக்கவுள்ளார். இதற்காக பணிகளில் லோகேஷ் கனகராஜ் ஈடுபட்டுள்ளார். இன்று அவரது பேஸ்புக் பக்கம் ஹேக் செய்யப்பட்டிருப்பதாக செய்தி வெளியானது. “நான் இன்ஸ்டாகிராம் மற்றும் எக்ஸ் தளத்தில் மட்டுமே இருக்கிறேன். வேறு எந்த சமூக வலைதளங்களையும் பயன்படுத்தவில்லை’’ என்று ரசிகர்களிடம் விளக்கமளித்துள்ளார்.
