நடிகர் தனுஷ் தானே இயக்கி மின்னல் வேகத்தில் ஷூட்டிங்கை முடித்துள்ள படம் தான் அவரது 50 வது படமான “ராயன்”.
படத்தை சன் பிக்சர்ஸ் நிறுவனம் தயாரிக்க, ஏ ஆர் ரஹ்மான் இசையமைக்கிறார். இந்த படத்தில் தனுஷோடு எஸ்ஜே சூர்யா, காளிதாஸ் ஜெயராம், துஷாரா விஜயன், சந்தீப் கிஷன் மற்றும் செல்வராகவன் உள்ளிட்ட பலரும் நடித்து வருகின்றனர். இந்த படத்துக்காக மொட்டை அடித்து கெட்டப்பை மாற்றிய தனுஷ் மொத்த காட்சிகளையும் 110 நாட்களில் முடித்தார். இதில் தனுஷ் அண்ணனாகவும், காளிதாஸ் மற்றும் சந்தீப் கிஷன் ஆகியோர் அவரின் தம்பிகளாகவும் நடிப்பதாகவும் சொல்லப்படுகிறது. மேலும் பாஸ்ட்புட் கடை வைத்திருக்கும் சகோதரர்கள் எப்படி கேங்ஸ்டராக மாறுகிறார்கள் என்பதே கதை என சொல்லப்படுகிறது. இந்த படத்துக்கான முதல் சிங்கிள் பாடல் நாளை வெளியாக உள்ளது. இந்த படத்தில் செல்வராகவனும் ஒரு முக்கிய வேடத்தில் நடித்துள்ளார். இந்த படம் ஜூன் 13ம் தேதி வெளியாகவுள்ளது. இதுவரை இரண்டு பாடல்கள் வெளியாகியுள்ளன. இதையடுத்து படத்தின் ஆடியோ மற்றும் டிரெயிலர் ஜூன் 2ம் தேதி சென்னையில் உள்ள ஒரு தனியார் கல்லூரியில் நடக்கவுள்ளதாக சொல்லப்படுகிறது.
